هى دعوى بترفع بالطرق العادية بس ليها خصائص وشروط معينة أول خصائصها إنها دعوى تنفيذية يعنى المحكمة بيكون دورها تنفيذى فقط مينفعش تتطرق فيها لحاجة موضوعية يبقى بديهى لازم الحق المتنازع عليه يكون ظاهر ومنتهى.
تانى خاصية لدعوى الحبس إن الحكم فيها نهائى وملوش إستئناف وبيكون حبس مدة لا تزيد عن 30 يوم لكن ممكن تقل إنما جرى العمل فى المحاكم على إنها 30 يوم دايما.
أما شروطها فهى كالآتى :
1- حكم نفقة : يعنى مينفعش نرفع دعوى حبس بإتفاق تسوية مثلا لازم النفقة تكون مفروضة بحكم .
2- الحكم يكون نهائى : رغم إن الأحكام بالنفقة بتكون واجبة التنفيذ لكن فى دعوى الحبس لازم الحكم يكون نهائى .
3- تقديم أصل الصيغة التنفيذية : بس طبعا اللى بتنفذ عن طريق بنك ناصر أو جهة عمل المدعى عليه ممكن تجيب صورة رسمية من الجهة أو البنك وشهادة منه بالمبالغ اللى تم تحصيلها .
4- القدرة واليسار : يعنى لازم يثبت للمحكمة إن المدعى عليه ممتنع عن السداد رغم إنه قادر عليه.
دى تعتبر أهم خصائص وشروط دعوى الحبس اللى لازم تتوافر عشان المحكمة تأمره بالدفع وتنذره بالحبس ثم تقضى بحبسه عند الإمتناع .
نتمنى تكون المعلومة أفادتكم.
ـــــــــــــــــــــــــــــــــــــــــــــــــــــــــــــــــــــــــــــــــ
مكتب محمد مصطفى لولح للمحاماة
لأعمال المحاماة والاستشارات القانونية
و تأسيس الشركات و الشئون القانونية للشركات
- راسلنا عن طريق صفحتنا على الفيسبوك
- عن طريق موقعنا : mohammadlolahlawfirm.blogspot.com
- أرقام الهاتف : 0482742193
– 01017060009
– 01017060009- البريد الإلكتروني : mohammad.lolah.lawfirm@gmail.com
- واتس آب : wa.me/01017060009
ليست هناك تعليقات:
إرسال تعليق